Küreşçi Refat Ablayev olimpiya çempionını azırladı

Eski Qırımlı Refat Ablayev Özbekistanda sürgünlikte sportta yüksek neticelerni elde etebildi. O, klassik üslüpte eñ küçlü küreşçilerden biri olaraq, aynı zamanda serbest küreş, sambo ve milliy küreşnen de oğraşqan. O, – yunan-rum küreşi boyunca SSSR çempionı, sport ustası ve SSSRde nam qazanğan idmancı edi. Onıñ eñ belli şegirtlerinden biri – olimpiya çempionı Rustem Kazakovdır.