Qırımtatar halqı milliy areketi faallerinden biri Kerim Çabanov tamam bu künü 1925 senesi fevral 12-de doğğan edi. Milliy areketke başlanğanınıñ ilk künlerinden qoşuldı. 1957 senesi onıñ evinde belli partizan, milliy areket esasçılarından biri Bekir Osmanov birinci gizli körüşüvlerden birini keçirdi. Kerim Çabanov haldq vekili olaraq defalarca Moskvağa bardı, faallerniñ epsi körüşüvlerinde iştirak etti. Bu areketleri içün 1,5 yıl aps cezası aldı. Maqale İdris Asaninniñ «Adalet küreşi saflarında» kitabınıñ I cıltındaki malümat esasında azırlanıldı
