Cenkte çoq şeyler körgenine baqmadan, aqıllı ve merametli, şaqalaşmağa, yırlamağa sevgen. Ekinci cian cenki veteranı ve üç Qızıl Bayraq, 2-nci dereceli Kutuzov, 2-nci dereceli Bogdan Hmelnitskiy ordenleriniñ saibi general-mayor İsmail Bulatovnı böyle hatırlaylar. Onıñ hatırasına Büyük Onlar qasabasındaki 943-nci deñiz raketa taşıyıcı aviatsiyası Konstanskiy adına qırmızı bayraq polkunıñ tarih müzeyinde edebiy-muzıkal aqşam ötkerildi. Bu türkü general-mayor ve ekinci cian cenki qaramanı İsmail Bulatovnıñ sevimli yırlarından biridir.
