Tarihiy vesiqalarda han Haci Selim Geray I yüksek ahlâqlı ve meraq dairesi keniş bir insan, ikmetli siyasetçi, hayırsever ve daa çoq istidatlar saibi olaraq kösterile. Qırım ükümdarı tek öz yurtunda degil, onıñ tışında da belli, nufuzlı bir şahıs olğan. Şair ve bestekâr olaraq da şeref qazanğan. Onıñ eserleri bugünde-bugün dünyanıñ eñ belli kütüphanelerinde saqlanılmaqta.
