Fevzi Musanif körümli bir pedagog olıp, metep ve tehnikumlarda ders bergen, Marks, Engels ve Leninniñ eserlerini tercime etken. 1934 senesi Qırım ASSR Topraq naziri vazifesine tayinlengen. 1937- de ise yaqalana ve sovetlerge qarşı faaliyette qabaatlana.. Onı atta içtimaiy asılını yani babası Zıncırlı medresede çalışqanı ve müderris olğanını gizlegeninde suçlağanlar. 1938 senesi aprel 17 künü bir sıra qırımtatar ziyalıları arasında Fevzi Musanif de qurşunlana, qadını ise vatan haininiñ qarısı sıfatında lagerge sürgün etile.
