Bağçasaray rayonınıñ Teberti köyünde yaşağan genç ressam Fatma Emirüseinova ta balalıqtan resim sızmağa avestir. O, Qırım müendislik-pedagogika universitetini bitirip, sevimli zenaatınen oğraşmaqta. Ressamnıñ baş ilhamcısı – tuvğan Qırımıdır. Onıñ resimleri – şahsiy duyğuları, islerini ifade etmekniñ imkânıdır. Er bir eserinde Vatan, milliy medeniyeti ve tarihqa sevgi-sayğı sezilmekte