Baliç soyadı — Qırımda belli. Bu sülâleniñ vekilleri arasında bir sıra namlı ekimler bar. Yakub Baliç – istidatlı cerrah, tıbbiy ilimler namzeti, dotsent. Taşkentte yaşağan ekimge bütün sovet cumhuriyetlerden adamlar mucaat ete edi. Yakub bey bu dünyanı terk etti, Vatanğa avdet etmege qısmet olmadı. Lâkin onıñ izinden balaları ketti, olar ömürlerini tıbbiyetke bağışladı. Levha 2020 s. azırlanğan edi.
