Aşıq Ümerniñ efsaneler tolu hayatı

Türkiyede onı özleriniñki, dep sayalar, amma qırımtatarlar onıñ Qırımda doğdı, degen fikirdeler. Aşıq Ümer bütün türk dünyası orta asır edebiyatınıñ körümli şahısıdır. Onıñ ayatı aqqında malümat az, amma masal ve efsaneler çoq. Pişkinlik çağında Qırımnı terk etip, çoq yıllar devamında çeşit memleketlerni dolaşıp, şiirler yaza ve özü saz çalıp özü oquy. Onıñ edebiy mirasını 1500 eser teşkil ete — biz bilgenimiz tek budır. Aşıq Ümer 1707 senesi doğğan Kezlevinde vefat ete.
V. Vozgrinniñ, «Qırımtatarlarnıñ tarihı», ve E. Şemi-zadeniñ malzemeleri esasında.