Liliya Cetere-Asanova namlı ecdatları aqqında malümatlar toplay. Onıñ qartbabası – belli qırımtatar ocası, Qırım ASSR Maarif halq komissarı Ali Asanovdır. Böyle yüksek vazifede bulunaraq o, Qırımda umumtasil areketini canlandırıp, qız balalarnıñ oqumasına ayrıca diqqat ayırğan. Amma stalincilerniñ zulumı onı çetlep keçmedi – 1938 senesi Ali Asanov qurşunlandı.
