Cezalanğan, qurşunlanğan qırımtatarlar cedvelinde Aleksandr Tamarinniñ adı rastkele. Hanlar nesiline mensüp, zadekân bu insannıñ soyadı 1918 senesine qadar Han Girey olğan. O, başta çar ordusında, soñra Qızıl orduda hızmet etken, gül östürmege aves olğan. Aleksandr Tamarin belli agronom olıp, Vladivostokta «Dalstroy» agrbazasında çalışqan, Kolıma , tecribe köy hocalığı stantsiyasınıñ birinci müdiri olğan. Gül, qartop ve qapıstanıñ bir qaç cınıslarını keşf etken. Lâkin bütün bu hızmetleri onı cezadan qurtarmağan. 1938 senesi Tamarin halq duşmanı dep qurşunğa tizilgen.
