İ. Gasprinskiy adına kütüphanede Aluşta partizan otrâdınıñ gruppa siyasiy reberi, körümli partizan, Bağçasaray otrâdınıñ askeri Abdurahman Muradosilovnıñ fotoları, vesiqaları, medalleri ve elyazmalarından ibaret şahsiy arhivi bulunmaqta. Onıñ aqqında ilk malümatlarnı ülkeşınas ve tarihçı Vladimir Polâkov araştırıp taptı ve «Partizaname» kitabında derc etti. Çarpışmalarda Muradosilov duşmannıñ canlı küçlerini yoq etken. Aluşta otrâdınıñ vazifelerini yerine ketirgen. Gizli avalelerni becergen. Müim bilgiler ve erzaq taşığan. Sürgünlikten soñ milliy areketniñ saflarına qoşulıp, halqınıñ aqları içün küreşe.
