Bu sene istidatlı oca, Taşkent pedagogika institutınıñ rektor muavini, maarif hızmetine ömüriniñ 50 yılını bağışlağan Abdulla Baliç doğğanınıñ 100 yıllığı qayd etilmekte. Abdulla Baliç Taşkent pedinstitutında qırımtatar tili edebiyatı bölüginiñ açılmasında, soñra 90-ncı yıllarda bölükniñ Vatanğa qaytarılmasında bivasta iştirak etti. Onıñ qalemine 80-den ziyade ilmiy iş ve araştırmalar mensüptir. Abdulla Baliç maarif işinen yaşadı, öz halqı arasında tasilniñ qıymeti ve emiyetini teşviq etti.
