Qırımtatar halqı milliy areketiniñ müim vesiqalarından biri müim vaqialar, Moskvağa barğan halq vekilleriniñ faaliyeti aqqında esabat bergen «informatsiyalar» edi. «İnformatsiyalar» maşinkalarda çoq nushalarda basılıp, halq arasında tarqatıldı. Tsenzura ve qırımtatar problemleri yasaq altında bulunğan bir vaqıtta «informatsiyalar» milliy areketni bildirgen müim bir vasta oldı. Levhada Bogdan Gubernskiyniñ malzemeleri qullanıldı.