1944 senesiniñ mayısında üç balalı anasınen beraber doğğan Qutlağından sürgün etilgende Vade Bilâlova daa endi 7 yaşında edi. Babası 1938 senesi beftan suçlanıp, qapatılğan edi. Qoranta bir daa babasını iç körmedi. Ğurbetlikte anası balalarınıñ canını qurtarmağa tırıştı, amma açlıq ve hastalıq qara işini yaptı. Üyken oğlu elâk oldı. 1944 senesi dekabr ayında anası eki balasınen Andijanda yaşağan soylarınıñ yanına avuştı. Vade hanım büyüdi, öz qorantasını qurdı, 6 evlâtnıñ anası oldı. Amma Vatan Qırım daima aqılında edi. 1989 senesi qorantasınen beraber yurtuna qaytıp keldi.
