Curçı rayonı Otar Yaşlav köyüniñ sakini Üriye Ablayeva 82 yaşında. Onıñ babası – Aciğafar kolhozda qırımtatarlarnıñ eski esnaflarından biri – teri işlevnen oğraşqan. Cenk başlağanda Üriye qartana 4 yaşında olsa da, köyde nemseler qolundan balalar elâk olğanı aqılında. Çoqusı balalar oyuncaq içine qoyulğan patlatıcı maddelerden ölgen. Sürgünlik künü babası bundan bir qaç kün evelsi teri ve yün içün qazanğan paranı yanına alğan. Ğurbette şu paralar aileni açlıqtan qurtarğan. 1991 senesi Üriye Ablayeva Qırımğa qaytıp, yañı sınavlarnen qarşılaştı.
