Keçmi̇şni̇ araştirmaq zamani!

TARİH|CANLI TARİH

Ümre Ümerovanıñ uzaq ömür sırları

Ümre Ümerova balalıqtan çalışmağa alışqan. O, tiş ekimi olmağa arz ete edi, lâkin cenk ve sürgünlik onıñ arzularını yoq etti. Qadın pamuq toplamağa, tikici ve şifer işlep çıqarğan işhanede çalışmağa mecbur oldı. 92 yaşına kelgen Ümre Ümerova şimdi de işten qorqmay. Onıñ aytqanına köre, işseverlik ve ayat sevgisi – uzaq ömürniñ sırlarıdır.