Recep ve Ayşe Aliyevler Qarasubazarda doğdılar. İhtiyar yaşına, başına tüşken çoqtan-çoq müsibetlerge baqmadan olar tendürist ve ğayretliler. Cenk, sürgünlik, Uralda, soñra Özbekistanda ğurbette yaşayış kibi taqdir sınavlarını olar munasip keçirdiler. Babalarından pek erte ayırılğan ağa-qardaşnıñ biri-birine tayanç olğanı tuvğan yurtqa qaytmaq imkânını berdi.
