Sitmemet Sicelilov 1929 senesi Bağçasaray civarındaki dülber Kökluz köyünde 7 balalı qorantada dünyağa keldi. Ömürinde çoq qaza-belâlar kördi, amma eñ teren izni qız ve oğlan qardaşından ayırğan sürgünlik qaldırdı. Sürgünlikte 15 yaşında Sitmemet dağ kesmege mecbur oldı. 1956 senesi Sicelilovlar ailesi Özbekistanğa köçti. Anda Sitmemet-bey qorantalı oldı. 1987 senesi Qırımğa, öz doğğan köyüne qaytıp keldi, amma öz evini satın alıp olamadı, qomşu soqaqta yerleşti. 1988 senesi Sitmemet-beyniñ ana-babası da vatanğa qayttılar.
