Bağçasaray rayonınıñ Ğavr köyünde doğğan 90 yaşlı Sidiqa Bekirova 12 yaşında vatanından mahrum oldı, sürgünlikte ise anası ve oğlan qardaşından ayırıldı. Açtan ölmemek içün 13 yaşından çalışıp başladı. Babasınıñ nasıl asretlik çekkenini körip, onıñ arzusını kerçekleştirmekni arzu etti. 1989 senesi ailesinen Qırımğa qaytıp keldi. Doğğan köyünde onıñ doğıp ösken evi alâ daa tura. Er yılı Sidiqa-bita bala ve torunlarınen beraber öz köyüne, öz evine kele, evelki yaşayışnı ve keçmişni tarif ete.
