Seyrane Refatova 87 yaşında. O, Bağçasaray rayonınıñ Biyuk-Süren köyünde dünyağa keldi. Muteber yaşına baqmadan Seyrane-bita atikligi ve tendüristiliginen ayretlendire. Albuki, onıñ başına pek çoq müsibetler tüşti – cenk, sürgünlik, ğurbetlik, balalar evi. Tibbiyat oquv yurtunı bitirgen Seyrane-bita ömüriniñ 30 yılını sevimli işine bağışladı. Vatanğa qaytqan soñ taqdir oña daa bir ağır sınav yolladı. Aqayınıñ vefatından soñ qadın balalarını özbaşına ayaqqa köterdi.
