Seydamet Suleymanov hainlik iftirasınen tuvğan Taraqtaş köyünden sürgün etildi. O vaqıt, o, 14 yaşında edi. Vatan hatırası ep yüregini yaqa edi. Cümle halqımız kibi Vatanğa avdet etmege arz ete edi. Bu yıl Şefika aptenen qoranta qurğanlarına 60 yıl toldı, olardan 30 yılını olar Vatanda keçirdiler.
Seydamet Suleymanovnıñ tuvğan Taraqtaş köyüne qaytmaq arzusı kerçekleşmey qaldı.
