Şefiqa Ramazanova: «Qırımnıñ qoqusı başqa»

Doğma Ay-Serezli 93 yaşında Şefiqa Ramazanova bir çoq qarsambalarnı – cenk, açlıq, sürgünlik, ğurbette ağır yaşayış ve vatan asretligini başından keçirdi. Vatanından ayırğanlarında 14 yaşında edi. Şefiqa hanım 6 balalı qorantada eñ büyügi olıp, qardaşlarına ana yerine analıq yaptı. Sürgünlikniñ birinci aylarında Şefiqa Ramazanovanıñ közleri ögünde yüzlernen qırımtatarlar açlıq, hastalıqtan ölgen. Bütün zorluqlarğa baqmadan Şefiqa abla aile qurıp, 6 evlâtnıñ anası oldı ve Qırımğa qayttı.