Balıqlava rayıonındaki Çorğuna köyünde doğğan Safiye Zakiryayeva 100 yaşını toldurdı. Öz yubileyini soy-sopları yanında qayd etken Safiye qartana cenk, sürgünlik, açlıq kibi afatlarnı başından keçirdi. Safiye Zakiryayeva 46 yıl vatan asretligini çekken. Yarım asırdan soñ yurtuna qayta. Mında üç balasından ayırıla. Bugünde-bugün onıñ 15 torunı, 35 torunçesi ve 5 torundan torunı – aqiqiy bahtnıñ timsalidir. Qartana öz evlâtları ve torunları içün ibret, olarğa ayatiy ikmetlerni aşlamağa tırışa.
