Sabriye Bilâlovanı nemse saibesi 15 marka berip satın aldı

Cenkniñ ve işğalniñ deşetleri, Almaniyağa mecbur alıp ketilip çalıştırılması, soñra ise ğurbetlikte yaqınlarnı qıdıruv… Bularnıñ episi Şuralı Sabriye Bilâlovanıñ başından keçti. Şimdiki vaqıtta Sabriye bita 93 yaşında. Uzun ömüri devamında bütün bu qara künler unutılmaq kerek edi, lâkin bita olarnı şimdi de közyaşız hatırlap olamay.