Reşide Emirüseinova 1933 senesi Yalta civarındaki Qızıltaş köyünde doğdı. 1941 senesiniñ cenki onı tatası ve qardaşından, 1944 senesiniñ sürgünligi ise vatanından ayırdı. Qorantasınen Özbekistannıñ Namangan vilâyetine tüşken Reşide Emirüseinova 10 kün içinde babası, anası ve oğlan qardaşını ğayıp etti. Reşide Emirüseinovanı köydeşi evlâtlıqqa ala, soñra dayısı yanına alıp kete. 1968 senesi üyken ağası kelip tapa. Ğurbetlikte Reşide-hanım çoq belâ-qazalarnı başından keçirdi. Amma doğğan Qızıltaşına qaytmaq arzusı oña küç, ümüt bağışladı. 1995 senesi arzusına qavuştı.
