Refat Murtazayev 1946 senesi Orta Asiyada doğdı. Onıñ ana-babası doğma Qırımnıñ Balıqlava rayonındaki Çorğuna köyündenler. Qırımtatarlarnıñ cinaiy sürgünligi neticesinde Özbekistanğa quvuldılar. Sürgünlikniñ birinci künlerinden başlap olarnıñ yaşayışı sağ qalmaq içün küreşke çevirildi. Amma bütün qıyınlıqlarğa baqmadan, olarnıñ Vatanına sevgisi yüreklerinde iç bir vaqıt sönmedi ve bugün balalarında ve torunlarında yaşay.