Qırımnıñ şıfalı avası, tuvğan ormanlar ve dağlar Edaye Bayraliyevanı ömürge qaytardı

Küçlü tabiatı ve ayatqa sevgisi Edaye Bayraliyevağa ğurbetlikte ölmemege yardım etti. Vatan asretligi ve sürgünlikniñ ilk yıllarındaki ağır şaraitler Edaye bitanıñ sağlığına büyük zarar ketirdi. Lâkin canını qurtarıp, Vatanına avdet etti. Şimdi bita 82 yaşında, onıñ yanında balaları ve torunları bar, lâkin sürgünlik hatırlavları ep yürekni kemire.