Natanış kişiler qollarında sopalarınen evlerine atılıp kirip, aileni avtobusqa yüklegen ve Novoalekseyevkağa sürgün etkenlerinde Niyaz Yaqubov daa 5 yaşında bala edi. Bu onıñ birinci sürgünligi oldı. O künlerden hatıra olaraq aveskâr fotograf Fevzi Poska çekken fotoresim qaldı. Neticede yedi bala soqaqta geceledi. 3 künden soñ olar kene Qırımğa qayttılar . Ana Vatanda yaşamaq aqqı içün küreş er kün devam etti…Niyaz Yaqubovnıñ anası Şevqiye hanım da aynı şu yaşta 1944 senesi mayıs 18-de sürgün etilgen.
