Qadimiy Quran, ince el işlemeli yipişli quşaq ve nağışlanğan marama – Nadide Emiruseinovanıñ aile degerligi. Olarnıñ er biri, tuvğanları aqqında hatıravlarnı saqlay ve 1944 senesin mayısında zornen Qırımdan sürgün etilgen qorantasınıñ tarihınen bağlı, öz ikâyesini tasvirley. Bu eşyalar, on yıllarnen, evinden uzaq qaldı. Olarnı bir kün qorantanen beraber, Vatanına qaytması içün, muqaytlıqnen saqlağanlar.