Sudaq civarındaki Voron köyünde doğğan 85 yaşlı Muarrem Abdullayev 6 yaşında vаtanından sürgün etildi, sürgünlikte babasından ayırıldı. Anasına yardım etmek, qorantasını keçindirmek içün 12 yaşından çalışmağa mecbur oldı. Sürgünlikniñ meşaqatlı şaraitlerinde başta Uralda, soñra Özbekistanda sağ qalmağa areket etti. 1990 senesi Qırımğa başta qorantasını yolladı, soñ evini satıp 6 yıldan soñ özü de qaytıp keldi.
