1944 senesi evi ve yurtundan ayırılğan Meva İbadlayeva balalar evine tüşe, açlıqtan ölmemek içün soqaqlarda tilenmege mecbur ola. Amma qız ayaqta qala, tasil alıp, ömüriniñ bayağı qısmını ocalıqqa bağışlay ve UzSSR halq tasili alâcısı unvanını qazana. 1989 senesi ise Özbekistanda Ferğana adiseleri başlanğanda qadın daa bir kere yıllarnen qurğan evi, mal-mülküni taşlap qaçmaq, canını qurtarmaq zoruna qala. Bugünde-bugün 85 yaşlı Meva hanım qorantasınen Qırımda yaşay ve iç bir şeyge baqmadan Yüce Rabbisiniñ bütün sınavlarına şükür ete.