Sürgünlikni körip keçken insanlar ep aramızdan keteler. 18 mayıs 1944 s. оlarnıñ çoqusı bala edi. Bita-qartbabalarımıznıñ hatırlavları cenk ve Vatan asretinen bağlı. Qaramanlarımızdan biri doğma Qamışlı köyünden Lilâ Veliyeva. Evelleri tuvğan köyü bulunğan yerde şimdi Aqyar şeeriniñ Nahimov rayonı yerleşe. Aynı şu yerde cenkniñ ağır uruşları olıp keçken edi. Şu künler Lilâ bitanıñ közü ögünde turmaqta.
