Krasnıy Ray — facialı levhalar ve zorbalıq -daima hatırada. 1992 s. yarımadanı idare etken Qırım akimiyeti şu qasabada muvaqqat evler qurğan qırımtatarlarnı dağıtıp, meskenlerini viran etti. Neticede, 20 inşaat yernen yeqsan oldı, 26 kişi belgisiz yerge alıp ketildi, ücüm etilgen qırımtatarlardan 4 ağır alda hastahanege tüşti. Bu facialı vaqialardan bir qaç kün keçken soñ 10, 000 qırımtatarı ve tarafdarlarınıñ iştiraginen Qırım Yuqarı Şurasınıñ yanında miting ötkerildi. Bu aktsiya çatışmalarnen yekünlendi.