Zenife Komurcı 1968 s. mayıs ayında Qırımda birinci evlâdını doğdı. Şu yılları qırımtatarlar ükümetke işanıp, Vatanğa qaytıp başladılar. Sentâbr 5 künü 1967 s. Sovet akimiyeti tarafından halqımıznı aqlağan üküm çıqarılğan edi. O zamandan birinci avdet dalğası başlandı. Lâkin aqiqat ükümge iç uymay edi, çünki kelgen vatanaşlarımıznı iç kimse ana toprağına yollamadı. Qundaq balası olğan Komurcı qorantası ağır sınavlardan keçti, bir qaç kere Vatandan sürgün etildi. Lâkin kene ve kene qayta edi ve 5 evlâdını na vatanında östürdi.
