Kefiye Azizova 1936 senesi Aluşta civarındaki Ulu-Üzen köyünde dünyağa keldi. Balalığında cenk ve halqınen beraber sürgünlikni başından keçirdi. Ğurbette açlıqtan ölmemek içün aşlıq danelerini hırsızlamağa mecbur oldı. Allah Kefiye-hanımğa 6 evlât bağışladı ve olar içün yaşamağa küç-taqat berdi. Ömürinde körgen zorluqlarğa baqmadan ayaqta tik turdı ve şimdi balaları, torun ve torunçeleri ile sevimli Qırımında yaşay.
