Doğma İçki rayon Besit köyünden olğan Dilâra Kudâkova 82 yaşında. Qırım işğal altında ekende onıñ qorantasını köy sakinlerinen beraber nemseler Almaniyağa aydadılar. Bomabalardan canlarını qurtamaq içün olar mında ormanlarda saqlandılar. Sovet askerleri esirlerni azat etken soñ aile Özbekistanğa yollanıla ve ğurbetteki yaşayışnıñ zorluqlarını çeke. Dilâra bitanıñ ana-babasına Vatannı bir daa körmek nasip olmadı, olarnıñ arzularını bala ve torunları yerine ketirdiler.
İşğal, esirlik, cenk, sürgünlik ve Vatannıñ uzun yolu — Dilâra Kudâkovanıñ ömür ikâyesi
