Doğma Uçköz köyünden 85 yaşlı Halide Halilova çoq çalışmağa alışıp, iç bir vaqıt taqdirinden şikâyet etmey. Onıñ balalığı tamam ağır cenk yıllarına doğru keldi. Olarnıñ köyüni nemseler yaqqanda aile şeerge köçmek zoruna qala. Qırım azat etilgen soñ Halide hanım 1944-niñ mayısında kene evsiz qala. Sürgünlik yerlerinde anasına tarlada pamuq cıymağa yardım ete. Soñra muhasebeci, emşire olıp çalışa ve atta yipek qurtlarını da asray.
