Aluşta civarındaki Kuçuk-Üzen köyünde doğğan Fetiye Ametova Qırımdan sürgün etilgende 14 yaşında edi. Açlıqtan ölmemek, canını qurtarmaq içün er angi işke qol urdı. Doğğan köyü Kuçuk-Üzen daima aqılında olıp, eñ ağır daqqalarda oña teselli berdi. Vatanğa Fetiye-bita 45 yıllıq asretlikten soñ qayttı. Bahtlı balalığı keçken köyge kelgen sayın, topraqnı öpe ve Alladan halqı içün tınçlıq tiley.
