1944 senesi mayıs 18-de evlerine silâlı askerler bastırıp kirgen ve sürgünlikke azırlanmaqnı buyurğanda Fatime Abibullayeva daa endi 13 yaşında edi. Onıñ Qırımda bahtlı balalığı bitti, ondan soñ ana-babasından da ayırıldı. 14 yaşında pamuq tarlalarında çalışıp, sağ qalmaq içün tırıştı, aqsımlavlarğa oğratıldı. Başına tüşken azap-uqubetlerge baqmadan yarımasırlıq asretlikten soñ sevimli yurtuna qayttı.