Körbek köyünde doğğan 89 yaşlı Enver Zarfeyev çoq laf etmege sevmey. Babadan erte öksüz qalıp, balalıqtan çoq çalışmağa alışqan. Anası oña qıyınlıqlarnı yeñmek, sabırlı-taqatlı olmaq, borc almamaq ve tek özüne işanmaqnı ögretken. Bu insan cenk, sürgünlik, anasınıñ hastalığını körip-keçirgen. Amma Enver ağa iç bir vaqıt şikâyetlenmey, er şeyni olğanı kibi qabul etip, şaqa-qoratanı pek seve.
