Ğayıp olğan Qaymaçı köyünde doğğan Dilâra Acimuratova 84 yaşında. 1944-niñ mayısında bütün qırımtatar halqınen beraber sürgün etildi. 4 yaşında evinden, bahtlı balalığı ve yurtundan mahrum oldı. Ğurbet illerde Qaradeñizni körmek, tuvğan yerniñ avasından nefes almaq arzusınen yaşadı. Bu arzusına yarım asırdan soñ qavuştı. Bugünde-bugün vatanda yaşap, bala, torunları ve torunçeleriniñ yanında özüni bahtlı is ete.