Doğma Uskut köylü Cuvair Seit 78 yaşında. Onıñ ömür sınavları daa doğmazdan evel başlandı. O, bu dünyağa qırımtatarlar sürgün etilgeniniñ ekinci ayında yurtundan uzaqta keldi. 1944 senesi mayıs 18-de Cuvair-beyniñ babası emek ordusında eken, yüklü anasını 2 balasınen sürgün eteler. Zavallı qadınnıñ eki balası öle, tek Cuvair sağ qala. Ana-babasınıñ köyüne Cuvair Seit ancaq 55 yıldan soñ qaytıp keldi.
