Eskiden saqlanıp qalğan, el işleme toqulğan ve nağışlanğan qırımtatar erkek kölmegi. O, Bağçasaray rayonunıñ Tav Bodraq köyünde qısmet olmağan toynuñ ikâyesini saqlay. Onu, Nadide Emiruseinovanıñ qorantasında, taqdiri belli olmağan kiyevniñ hatırasına muqaytlıqnen saqlaylar. Açılmağan yaqası ise, sadece olmağan toynıñ hatırası değil de, em de bir nesilniñ başına tüşken belânıñ hatırası.