Sudaq civarındaki Şelen köyünde doğğan 95 yaşlı Ayşe Qurtveliyeva musafirlerni pek seve. Evde adamlar tolplaşsa, bütün qaar-qasevetlerini, yaramay keyfini unuta, göñlü açıla, halq yırlarını yırlap başlay. Doğğan köyü Şelen, köyde keçken bahtlı balalığı aqqında büyük isteknen tarif ete. O bahtlı yaşayışnı başta cenk, soñra sürgünlik baltaladı. Ayşe-hanım ailesinen Uralnıñ Krasnovişersk degen yerine sürgün etilip, andan Özbekistanğa köçti, 2006 senesi ise Qırımğa qaytıp keldi.
Levha 2023 senesi azırlanğan edi.
