Ayşe Asanovanıñ qorantası eki kere Vatanından marum etildi

Ayşe Asanova 88 yaşında. O, Sudaq civarındaki Qutlaq köyünde dünyağa keldi. Qorantası kulak dep qabaatlandı, cenkni ve sürgünlikni başından keçirdi. Ğurbetlikte Ayşe bita biri-biriniñ artından yaqınlarını ğayıp etti. Tek Vatanğa avdet etmek arzusı oña küç bere edi. Şimdi Ayşe bita bütün bu yolnı nafile keçmegenini bile, çünki onıñ balaları, torunları ve torunçeleri Qırımda yaşay.