Aliye Mazinova 1938 senesi Alupkada dünyağa keldi. Qırımnıñ bu dülberden dülber yerinde bahtlı balalığını 1944 senesiniñ sürgünligi baltaladı. Bunıñ yerine Mariy Elde açlıq ve ağır emek keldi. Amma ömüriniñ eñ ağır yıllarında bile Vatanğa qaytmaq arzusından vazgeçmedi. Ve böyle bahtlı kün keldi — Aliye Mazinova arzusına qavuştı. Bugün o, 3 evlâdı, 9 torunı ve 21 torunçesinen bahtlı yaşamaqta.
