1944 senesi dört yaşlı Lutfiye Ğafarova anasınen beraber Uralğa sürgün etildi. Anası dağ kesken, qızçıq ise bataqlıqta ösken yemişlerni cıyğan. Ağır işten anası keçine ve doquz yaşlı qız öksüz qala. Lutfiye Ğafarova eñ ağır zamanlarnı başından keçirip, altı balası ve aqayınen Vatanğa qayttı. Bugünde-bugün o, sevimli Qırımında balaları, torun ve torunçelerinen birlikte bahtlı ömür keçirmekte.