Qırım – yazıcı İvan Şmelövnıñ taqdirinde eñ emiyetli yerlerden biridir. Bu yerde o, raatlanmağa ve icat etmege sevgen, şahsiy ustahanesi aqqında arzu etken. Qırımda yazıcı vtandaşlar cenkiniñ deşetleri, açlıq ve eñ büyük ğayıbını yaşadı. 1921 senesi mart 3 künü bolşevikler onıñ yekâne oğlu, 24 yaşlı saqat subay Sergeyni qurşunladılar. Körgen-keçirgenleri esasında Şmelöv «Ölüler küneşi» eserini yaza ve onda cenk, basqılar, açlıq aqqında tarif ete. Eserde qırımtatarlarnıñ o devirdeki yaşayışı da kösterile.
