Bir çoq halqlarda birine sayğı köstergende baş kiyimini çıqarmaq adeti bar. Qırımtatar erkekleri ise bunı iç bir zaman er kesniñ ögünde yapmağanlar, dep yaza ХIХ asırnıñ birinci yarısında «Qırım manzarası ya da Tavriyada yaşağan tatarlar ve diger halqlarnıñ tarifi» elyazmasınıñ müellifi Mihail Dmitriyevskiy. Sayğını bizim ecdatlarımız diger areketlernen ifade etkenler.
