Qırımtatar qızlarına toydan bir qaç kün soñra örekeni bağışlay ediler

Toqumacılıq eñ qadimiy esnaflardan biridir. Elbette, Qırımda da, o, pek yayğın olğan. 19-ıncı asırnıñ ortasına qadar toqulğan basmalar er türlü urba ve ev eşyaları içün qullanılğan esas malzeme olğan. Toqmacılıqnen qadınlar oğraşa edi, bu iş olarğa balalıqtan ögretilgen. Levha Bağçasaray tarih-medeniyet ve arheologiya qoruq-müzeyiniñ ilmiy hadimi Safiye Abduramanovanıñ malümatı boyunca azırlandı.